..::www.ZAQATALA.my1.ru::..

Zaqatala icra nümayəndələri Hollandiyada Xocalı abidəsini ziyarət ediblər

AnAr — Tue, 26 Jun 2012 15:28:16 GMT

"Həmçinin, səfərdə olan nümayəndə heyəti Azərbaycanın Hollandiyada fəaliyyət göstərən diaspora ilə bir sıra görüşlər keçiriblər. Eyni zamanda, heyət Hollandiya Azərbaycan Türk Kültür Dərnəyinin rəhbərliyi və cəmiyyətin digər üzvləri ilə birlikdə Haaqa şəhərində Xocalı soyqırımının şərəfinə ucaldılmış xatirə abidəsi ziyarət olunub.
Daha sonra hər iki tərəf arasında Azərbaycan həqiqətlərinin Avropada çatdırılması ilə bağlı ilə bağlı mühüm müzakirələr və fikir mübadiləsi aparılıb”, deyə diaspor rəhbəri qeyd edib.

Gün.Az

Zaqatala Müalice-Diaqnostika Merkezinde 5 xeste üzerinde açıq ürek emeliyyatı keçirilib

AnAr — Fri, 08 May 2009 19:12:08 GMT

Zaqatala Müalicə-Diaqnostika Mərkəzində 5 xəstə üzərində açıq ürək əməliyyatı keçirilib.

Hər cür müasir tibbi avadanlıqlarla təhciz olunan Zaqatala regional diaqnostika mərkəzində bu əməliyyatı Neft Şirkətinin maliyyə dəstəyi ilə Mərkəzi Neftçilər Xəstəxanasının həkimləri həyata keçirib. Əməliyyatları mərəkəzin konfrans zalında qoyulmuş monitorların köməyi ilə birbaşa izləmək mümkün olub. Əməliyyata 2 yaşdan 19 yaşına qədər olan Zaqatala, Balakən, Qax və Şəkidən anadangəlmə ürək qüsurlu 4 xəstə cəlb olunub. Tibbi heyətin rəhbəri, Mərkəzi Neftçilər Xəstəxanası ürək-damar cərrahiyyəsi şöbəsinin müdiri RƏŞAD mahmudov bildirib ki, Azərbaycanda ilk ürək əməliyyatı 2005-ci ildə Lənkəranda gerçəkləşib, sonra Naxçıvan və Qəbələdə davam etdirilib.

Dövlət Neft Şirkətinin sosial inkişaf idarəsi səhiyyə departamentindən verilən məlumata görə, vətəndaşların Heydər Əliyev Fonduna müraciətləri əsasında təcili əməliyyata ehtiyacı olanların cərrahiyyə yolu ilə müalicəsi artıq Neft Şirkətinin sosial strategiyasının mühüm tərkib hissəsinə çevrilib və bu proses əsasən də Azərbaycanın bölgələrində davam etdirilməkdədir.

Zaqatalada bir neçe tehsil müessisesinin açılışı olub

AnAr — Fri, 08 May 2009 18:07:08 GMT

Mayın 6-da təhsil naziri Misir Mərdanov Zaqatala rayonunda bir sıra tədris ocaqlarının açılış mərasimlərində iştirak edib.

İlk öncə təhsil naziri rayon rəhbərliyi ilə birlikdə Heydər Əliyev adına parka gələrək ulu öndərin abidəsi önünə gül dəstələri qoyublar.

Sonra Misir Mərdanov Zaqataladakı akademik Zərifə Əliyeva adına liseyə baş çəkib, tədris ocağının pedaqoji kollektivi ilə görüşüb.
Həmin gün nazir dövlət büdcəsi hesabına yeni inşa olunmuş 320 yerlik internat məktəbinin, 220 yerlik Mazıx kənd məktəbinin və 40 yerlik Mamrux kənd uşaq baxçasının açılış mərasimlərində iştirak edib.

Açılış mərasimləri başa çatdıqdan sonra təhsil naziri rayonun Suvagil kəndində təşkil olunmuş müşavirədə iştirak edib. Müşavirədə Azərbaycanda təhsil islahatlarının uğurla həyata keçirilməsindən, bu sahəyə göstərilən dövlət qayğısından və təhsil işçiləri qarşısında duran mühüm vəzifələrdən söhbət açılıb.

Zaqatalada neolit dövrüne aid arxeoloji tapıntılar aşkarlanıb

AnAr — Thu, 20 Mar 2008 07:58:42 GMT

Zaqatala rayonu ərazisində, Alazan çayı vadisində neolit dövrünə və eramızdan əvvəl III-I minilliklərə aid olan "Yalovlu Təpə" mədəniyyəti nümunələri sayılan arxeoloji tapıntılar aşkarlanıb.

Bu barədə APA-nın Şəki-Zaqatala bürosuna Zaqatala rayon Tarix Diyarşünaslıq Muzeyinin direktoru Cahangir Soltanov məlumat verib. C. Soltanov bildirib ki, tapıntılar Alazan çayının sol sahilində, Zaqatalanın Muğanlı kəndi yaxınlığında aşkar edilib. Ərazidə əkinçiliklə məşğul olan yerli sakinlər torpağın dərinliyindən neolit erasının daş dövrünə aid at dişi şəklində daşdan düzəldilmiş çapacaq, balıqçılıqla məşğul olan sakinlər isə Alazan çayının sol sahilindən "Yalovlu Təpə" mədəniyyətinə məxsus saxsı qablar tapıblar. C. Soltanov deyib ki, sözügedən ərazidən e.ə III-I minilliyə aid uşaq qəbirləri də aşkarlanıb. Qəbirlərdə uşaq ayağının sümükləri də var. Tapıntıları unikal adlandıran C. Soltanov sözügedən ərazinin zəngin tarixə malik olduğunu və orada arxeoloji qazıntıların aparılmasının zəruri olduğunu vurğulayıb.

XOCALI SOYQIRIMI

AnAr — Fri, 23 Feb 2007 13:46:51 GMT

XOCALI SOYQIRIMI

1992-ci il fevralın 25-dən 26-na keçən gecə erməni silahlı dəstələri SSRİ dövründə Xankəndi (Stepanakert) şəhərində yerləşdirilmiş 366-cı motoatıcı alayının zirehli texnikası və hərbi heyətinin köməkliyi ilə Xocalı şəhərini zəbt etdilər. Hücumdan əvvəl, fevralın 25-i axşam çağından şəhər toplardan və ağır zirehli texnikadan şiddətli atəşə tutulmağa başlamışdır. Nəticədə şəhərdə yanğınlar baş vermiş və fevralın 26-ı səhər saat 5 radələrində şəhər tam alova bürünmüşdür. Belə bir vəziyyətdə, erməni əhatəsində olan şəhərdə qalmış təqribən 2500 nəfər əhali yaxınlıqdakı azərbaycanlılar məskunlaşmış Ağdam rayonunun mərkəzinə çatmaq ümidi ilə şəhəri tərk etməyə məcbur olmuşdur. Ancaq bu niyyət baş tutmadı. Şəhəri yerlə yeksan etmiş erməni silahlı dəstələri və motoatıcı alayın hərbiçiləri dinc əhaliyə divan tutdular.

Bu qırğının nəticəsində 613 nəfər həlak olmuşdur, onlardan:
uşaqlar - 63 nəfər;
qadınlar - 106 nəfər;
qocalar - 70 nəfər 8 ailə tamamilə məhv edilmişdir;
25 uşaq hər iki valideyninin itirmişdir;
130 uşaq valideynlərindən birini itirmişdir;

487 nəfər yaralanmışdır, onlardan:
uşaqlar - 76 nəfər;
1275 nəfər əsir götürülmüşdür:
150 nəfər İtkin düşmüşdür:
Dövlətin və əhalinin əmlakına 01.04.1992-ci il tarixinə olan qiymətlərlə 5 mld.rub dəyərində ziyan vurulmuşdur:

Bu rəqəmlər Ermənistan SSR-in dəstəyi və SSRİ rəhbərliyinin səhlənkarlığı ilə 1988-ci ildə başlamış və Azərbaycan SSR-in tərkib hissəsi olan Dağlıq Qarabağ Muxtar Vilayətinin Ermənistana birləşdirilməsi iddiasının gerçəkləşdirilməsi əsasında yaranmış Ermənistan-Azərbaycan, Dağlıq Qarabağ münaqişəsinin ən dəhşətli, qanlı faciəsindən xəbər verir.

Xocalı - əsas hədəf

Erməni silahlı dəstələrinin Xocalıya hücümunu şəhərin coğrafi mövqeyi şərtləndirirdi. 7000 əhalisi olan Xocalı Xankəndindən 10 km cənub-şərqdə, Qarabağ dağının sisiləsində və Ağdam-Şuşa, Əsgəran-Xankəndi yollarının üstündə yerləşir. Qarabağdakı yeganə aeroport da Xocalıdadır.

Xocalı əhalinin tarixən məskunlaşdığı yerdir və qədim tarixi adibələr indiyə qədər qalmaqdadır. Xocalının yaxınlığında bizim e.ə. XIV-VII əsrlərə aid edilən Xocalı-Gədəbəy mədəniyyətinin abidələri yerləşir. Burada son bürünc və ilkin dəmir dövrlərinə aid edilən dəfn abidələri - daş qutular, kurqanlar və nekroloqlar tapılmışdır. Həmçinin burada arxitertur abidələr - dairəvi qəbr (1356-1357-ci illər) və mabzoley (XIV əsr) vardır. Arxeoloji qazıntılar zamanı müxtəlif növ daş, bürünc, sümük bəzək əşyaları, gildən ev əşyaları və s. tapılmışdır. Tapılmış muncuq dənələrindən birində Assuriya şahı Adadnerarinin (bizim e.ə. 807-788-ci illər) adı yazılmışdır.

Əhali əsasən üzümçülük, heyvandarlıq,arıçılıq və əkinçiliklə məşğul olmuşdur. Şəhərdə toxuculuq fabriki, 2 orta məktəb və 2 natamam orta məktəb var idi.

Son illərdə baş vermiş hadisələrlə əlaqədar olaraq Fərqanədən (Özbəkistan) qaçqın düşmüş 54 məhsəti-türkü ailəsi, həmçinin Ermənistandan və Xankəndindən qovulmuş azərbaycanlıların bəziləri şəhərdə məskunlaşmışdılar.

Sonralar erməni tərəfi etiraf etmişdir ki, erməni silahlı dəstələrinin ilk əsas vəzifəsi Xocalı platsdarmının məhv edilməsi, bu məntəqədən keçən Əskəran-Xankəndi yolunun boşaldılması, azərbaycanlıların nəzarətində olan aeroportun ələ keçirilməsi idi.

"Xocalı platsdarmının məhv edilməsi" sözlərinə diqqət yetirin. İndi söylənilən bu ifadə ermənilər tərəfindən törədilmiş qanlı qırğının, kütləvi surətdə uşaqların, qadınların, qocaların məhv edilməsinin səbəbini aydın göstərir.

Faciənin xronikası

Xocalı 1991-cı ilin oktyabrından blokadada idi. Oktyabrın 30-da avtomobil əlaqəsi kəçilmiş və yeganə nəqliyyat vasitəsi vertolyot qalmışdı. Xocalıya sonuncu vertolyot 1992-ci il yanvarın 28-də gəlmişdi. Şuşa şəhərinin səmasında mülki vertolyotun vurulması və nəticədə 40 nəfərin həlakından sonra isə bu əlaqə də kəsilmişdi. Yanvarın 2-dən şəhərə elektrik verilmirdi. Şəhər ancaq əhalinin qəhrəmanlığı və müdafiəçilərin cəsurluğu sayəsində yaşayır və müdafiə olunurdu. Şəhərin müdafiəsi əsasən atıcı silahlarla silahlanmış yerli özünümüdafiə dəstəsi, milis və Milli Ordunun döyüşçülərindən təşkil olunmuşdu.

Fevralın ikinci yarısından başlayaraq Xocalı erməni silahlı dəstələrinin mühasirəsinə alınmışdı və hər gün toplardan, ağır texnikadan atəşlərə, erməni dəstələrinin həmlələrinə məruz qalırdı.

Xocalıya hücuma hazırlıq fevralın 25-də axşam 366-ci alayın hərbi texnikasının döyüş mövqelərinə çıxması ilə başlanılmışdı. Şəhərə hücum toplardan, tanklardan, "Alazan" tipli zenit toplardan 2 saatlıq atəşdən sonra başlandı. Xocalıya üç istiqamətdən hücum aparıldığından əhali Əsgəran istiqamətində qaçmağa məcbur olmuşdu. Tezliklə aydın olmuşdur ki, bu məkrli hiylə imiş. Naxçevanik kəndi yaxınlığında əhalinin qarğısı erməni silahlı dəstələri tərəfindən kəsilmiş və onlar gülləborana tutulmuşlar. Qarlı aşırımlarda və meşələrdə zəifləmiş, taqətdən düşmüş insanların çox hissəsi məhz Əsgəran-Naxçevanik düzündə erməni silahlı dəstələri tərəfindən xüsusi qəddarlıqla məhv edilmişdir.

Bu hadisələr regiona İran İslam Respublikasının xarici işlər naziri Əli Əkbər Vilayətinin vasitəçilik missiyası ilə səfəri günlərinə təsadüf etmişdir. O, fevralın 25-də Azərbaycanın hakimiyyət rəhbərləri ilə görüşmüş və fevralın 27-də Qarabağa, sonra isə Ermənistana səfər planlaşdırırdı. bununla əlaqədar olaraq tərəflərin razılığı ilə fevralın 27-dən martın 1-dək üçgünlük atəşkəs elan edilmişdi. Ermənilər ona məhəl qoymadılar və vədlərinə xilaf çıxdılar.

Oxşar vəziyyət fevralın 12-də Avropada Təhlükəsizlik və Əməkdaşlıq Şurasının missiyasının vəziyyətlə tanışlıq və münaqişənin tənzimlənməsi məsələrinin təhlili məqsədilə Qarabağa gəldiyi zaman da baş vermişdi. Missiyya sonra Yerevana və Bakıya səfər etməli idi. Məhz fevralın 12-də erməni silahlı dəstələri tərəfindən Şuşanın Malıbəyli və Quşçular kəndləri qarət edilmiş və yandırılmışdır, təkcə Malıbəylidə 50 nəfər öldürülmüş, yaralnmış və əsir götürülmüşdür.

Həmin günlərdə Azərbaycan qüvvələri Xocalı sakinlərinin köməyinə çata bilmədi, hətta meyidlərin götürülməsi belə mümkün olmadı. Bu zaman isə ermənilər vertolyotlarla, ağ geyimli xüsusi qruplarla meşələrdə gişlənmiş insanların axtarışını aparır, aşkar edilənləri əsir götürür, işgəncələrə məruz qoyurdular.

Fevralın 28-də tərkibində yerli jurnalistlərdə olan qrup 2 vertolyotla azərbaycanlıların həlak olduqları yerə çata bildilər. Gördükləri mənzərə hamını dəhşətə gətirdi - düzənlik cəsədlərlə dolu idi. İkinci vertolyotun havadan mühafizəsinə baxmayaraq, ermənilər güclü atəşi altında ancaq 4 meyidi götürmək mümkün oldu. Martın 1-də yerli və xarici jurnalistlərin iştirakı ilə hadisə yerində daha da dəhşətli vəziyyət müşahidə olunmuşdur. Meyidlərin skalplarının götürülməsi, qulaqlarının və digər orqanlarının kəsilməsi, gözlərin çıxardılması, ətrafların rəsilməsi, çoxsaylı bıçaq və güllə yaraları, ağır texnika ilə əzilmələr, yandırılma halları aşkar edilmişdir.