Evvele qayit » 2009 » Май » 8 » Zaqatalada bir neçe tehsil müessisesinin açılışı olub
Zaqatalada bir neçe tehsil müessisesinin açılışı olub
10:07 PM
Mayın 6-da təhsil naziri Misir Mərdanov Zaqatala rayonunda bir sıra tədris ocaqlarının açılış mərasimlərində iştirak edib.
İlk öncə təhsil naziri rayon rəhbərliyi ilə birlikdə Heydər Əliyev adına parka gələrək ulu öndərin abidəsi önünə gül dəstələri qoyublar.
Sonra Misir Mərdanov Zaqataladakı akademik Zərifə Əliyeva adına liseyə baş çəkib, tədris ocağının pedaqoji kollektivi ilə görüşüb. Həmin gün nazir dövlət büdcəsi hesabına yeni inşa olunmuş 320 yerlik internat məktəbinin, 220 yerlik Mazıx kənd məktəbinin və 40 yerlik Mamrux kənd uşaq baxçasının açılış mərasimlərində iştirak edib.
Açılış mərasimləri başa çatdıqdan sonra təhsil naziri rayonun Suvagil kəndində təşkil olunmuş müşavirədə iştirak edib. Müşavirədə Azərbaycanda təhsil islahatlarının uğurla həyata keçirilməsindən, bu sahəyə göstərilən dövlət qayğısından və təhsil işçiləri qarşısında duran mühüm vəzifələrdən söhbət açılıb.