Televiziya, radio, qəzet və digər kütləvi informasiya vasitələri haqda məlumat:
Rayonun əsas mətbuat orqanı olan "Zaqatala" qəzeti 1923-cü ilin mart ayının 8-də fəaliyyətə başlamışdır. İlk əvvəllər "Zaqatala kəndçisi" adı ilə nəşr olunan qəzet sonralar "Kolxoza doğru", "Kolxozun səsi" "Bolşevik kolxozu uğrunda", 40 ilə yaxın müddətdə "Qırmızı bayraq", 1991-ci ilin oktyabrından isə "Zaqatala" adı altında fəaliyyətini davam etdirir. Zaqatala rayon yerli radio verilişləri 1950-ci ildən "Qırmızı bayraq" qəzetinin nəzdində fəaliyyət göstərmişdir. 1975-ci ildən Azərbaycan SSR Nazirlər Kabinetinin qərarı ilə bir sıra rayonlarda " o cümlədən Zaqatalada Azərbaycan Dövlət Televiziya və Radio verilişləri şirkətinin nəzdində müstəqil redaksiya kimi fəaliyyətə başlamış və fəaliyyət bu günə qədər davam edir.
Müstəqil "Aygün" televiziyası 20 oktyabr 1994-cü ildə Mətbuat və İnformasiya Nazirliyində qeydiyyatdan keçmişdir. Hal-hazırda “Aygün TV”-nin gündəlik “Xəbərlər” buraxılışı ilə bərabər 16 adda müxtəlif verilişləri, 1 kv. gücündə “Oneqa 1” televiziya ötürücüsü vasitəsi ilə Şəki, Zaqatala, Qax, Balakən və qismən də digər rayonlara yayımlanır. Efir vaxtı saat 18-00 dan 01-00-dək.
|